SQO-da aldaǵy 5 jylda 20 myń ga alqapqa 100 mln kóshet otyrǵyzylmaq
PETROPAVL. QazAqparat – Soltústik Qazaqstan oblysynda Prezıdent Qasym-Jomart Toqaevtyń 2020 jylǵy 1 qyrkúıektegi Joldaýynda aıtqan tapsyrmasyna oraı aldaǵy 5 jylda 100 mln kóshet otyrǵyzý josparlanǵan. Keshendi joba bıyldan bastap júzege asyryla bastaıdy, dep habarlaıdy QazAqparat tilshisi.
SQO tabıǵı resýrstar jáne tabıǵat paıdalanýdy retteý basqarmasynyń málimetinshe, Prezıdent tapsyrmasyn júzege asyrý maqsatynda keshendi joba ázirlengen. Máselen bıyl 850 ga aýmaqqa 2 mln 270 myń kóshet otyrǵyzý josparlanǵan. Egiletin tal kólemi jyl saıyn ulǵaıtylyp otyrady. Osylaısha 2025 jyly 36 mln 710 myń kóshet otyrǵyzylmaq. Bul maqsatqa osy aralyqta 5 mlrd artyq teńge jumsalmaqshy.
«Kóshetti tuqymnan tálimbaqtarda ósirip shyǵaramyz. Ol úshin qaraǵaı men qaıyńnyń tuqymy jınalady. Eki jyl boıy ósirip, tek sodan keıin ǵana ony egemiz. Josparlanǵan kórsetkishke qol jetkizý úshin tálimbaqtardyń aýmaǵyn ulǵaıtý qajet bolady. Qazir oblystyń orman sharýashylyqtary osy máselemen aınalysyp jatyr», - deıdi SQO tabıǵı resýrstar jáne tabıǵat paıdalanýdy retteý basqarmasynyń jetekshisi Beıbit Ismanov.
Bıyl ormanshylar qaraǵaı men qaıyńnyń 4,5 tonna tuqymyn ázirlemek. Sondaı-aq tálimbaqtardyń aýmaǵyn taǵy 40 ga ulǵaıtýdy josparlaǵan.
«Byltyr SQO eldi mekenderin kógaldandyrýdyń jáne jasyl aımaq qurýdyń 2021-2025 jyldarǵa arnalǵan aımaqtyq jospary bekitildi. ıAǵnı biz orman alqaptaryn ulǵaıtyp qana qoımaı, iri eldi mekenderdi de kógaldandyramyz. Bıyl osy óńirge beıimdelgen aǵashtardyń 97,2 myń kóshetin otyrǵyzamyz. Osylaısha 5 jyldyń ishinde 500 myń aǵash egemiz, onyń jartysy Petropavlǵa kórik bermek», - deıdi Beıbit Ismanov.
