SQO-da ákimdik kásipkerdiń jylyjaıyna jaryq bergizbeı, ákimshilik kedergi jasaǵan

PETROPAVL. QazAqparat - Soltústik Qazaqstanda ákimdik bıznestiń aıaǵynan shalý úshin jasandy ákimshilik kedergiler jasaǵan, dep habarlaıdy QazAqparat Antıkor qyzmetine silteme jasap.

SQO Qyzyljar aýdanynda 2022 jyldyń qarasha aıynan bastap jylyjaıdy elektr qýatyna qospaǵan.

24 qańtarda kásipker SQO boıynsha sybaılas jemqorlyqqa qarsy qyzmetine jergilikti atqarýshy organnyń is-áreketin aıtyp shaǵymdandy.

Sybaılas jemqorlyq táýekelderin syrtqy taldaý barysynda JK basshysy kommertsııalyq obekt úshin elektrmen jabdyqtaý jelisine qosylý kezinde ákimshilik kedergige tap bolǵany anyqtaldy.

Antıkordyń aýmaqtyq bólimshesi aýdandyq sáýlet bólimimen kezdesý ótkizdi. Jelige qosylýdan bas tartýǵa zańdy negiz joq ekeni belgili boldy.

Qazirgi ýaqytta elektr energııasyna qosylýǵa ruqsat berilgen.