SQO-da AITV juqtyrǵan 13 bala esepte tur
PETROPAVL. QazAqparat – Soltústik Qazaqstan oblysynda bıyl 18 adam AITV (adamnyń ımmýntapshylyq vırýsy ınfektsııasy) juqtyrǵan, bul ótken jyldyń osy merzimimen salystyrǵanda 33 jaǵdaıǵa az, dep habarlaıdy QazAqparat tilshisi.
JITS-tyń aldyn alý jáne oǵan qarsy kúres jónindegi SQO ortalyq baspasóz qyzmetiniń málimetinshe, bıyl óńirde 18 adamda AITV anyqtalǵan. Bul ótken jyldyń osy merzimimen salystyrǵanda 33 jaǵdaıǵa – 64,7 %-ke az.
«Bıyl VICh-ti jynystyq jolmen juqtyrǵandar sany artyp otyr. 12 adam nemese 66,7 %-y osylaısha aýyrǵan. Qalǵan juqtyrǵandar ınektsııalyq jolmen esirtki qabyldaıtyndar. AITV anyqtalǵandardyń 10-y - 55,6 %-y jumys istemeıdi. Ortasha jasy – 40-49 aralyǵynda», - deıdi epıdemıologııalyq bólimniń meńgerýshisi Natalıa Gordymova.
Byltyr da, bıyl da balalar arasynda AITV juqtyrǵandar anyqtalmaǵan. Desek te qazir ortalyqtyń esebinde qaýipti ınfektsııany juqtyrǵan 13 bala esepte tur.
Mamandardyń aıtýynsha, byltyr JITS (juqtyrylǵan ımmýntapshylyǵynyń sındromy) ortalyqtyń zerthanasyna kúrdeli jóndeý júrgizilip, jańa qondyrǵylar satyp alyndy. Bul aýyrǵandardy anyqtaýdy jaqsartýǵa múmkindik bermek.
Qazir SQO-da AITV juqtyrǵan 1 238 adam esepte tur.
