SQO-da agroquramanyń jumysshylary 15 tonna astyq urlaǵan
PETROPAVL. QazAqparat - SQO polıtseıleri on bes tonna astyqty urlady degen kúdikke ilingen sharýa qojalyǵynyń (ShQ) jumysshylaryn ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Astyq urlaý faktileriniń biri M.Jumabaev aýdanynda tirkelgen. Ol jerdegi agroquramanyń pysyqaı jumysshysy 15 tonna astyqty zańsyz satyp jibergen. «Jıyrma bes jastaǵy er adam basqa jumysshymen jáne kúzetshimen kelisedi. Astyqty Býlaevo qalasynyń turǵynyna ár tonnasyn 20 myń teńgeden ótkizbek bolady. Satyp alýshy tún ortasynda júk kóligimen qoımaǵa keledi. Tańerteń basqarýshy 15 tonna astyqtyń kem ekenin baıqaǵan. Zalal 360 myń teńgeni qurady. Qylmysty áshkereleýge vıdeobaqylaý kameralaryndaǵy taspa kómektesken», - dep málimdedi SQO ІІD baspasóz qyzmeti.
Atalmysh faktige sáıkes QR QK 188-baby 2-tarmaǵy boıynsha sotqa deıingi tergeý jumystary bastaldy.
