SQO-da Ádep kodeksin buzǵany úshin alty memlekettik qyzmetshi jazalandy

PETROPAVL. QazAqparat – Soltústik Qazaqstan oblysynda memlekettik qyzmetshiler arasynda Ádep kodeksin buzǵandar sany bıyl 45%-ǵa kemidi, dep habarlaıdy QazAqparat tilshisi.

Memlekettik qyzmet isteri agenttiginiń SQO boıynsha departamentiniń basshysy Elena Stepanenkonyń aıtýynsha, Ádep kodeksiniń normalaryn buzǵan 6 adam jaýapqa tartyldy. Memlekettik qyzmetshiniń abyroıyna nusqan keltirgeni úshin taǵy 7 adam jazalandy. Jalpy, bıyl tártiptik jaza sany 35%-ǵa kemigen. Byltyr 369 memlekettik qyzmetshi jazalansa, bıylǵy jarty jyldyqta 273 adam jaýapqa tartylǵan.

«Departament tártiptik komıssııalardyń jumysyna turaqty negizde taldaý jasaıdy. Bıylǵy jarty jyldyqta tekseristiń qorytyndysy boıynsha memlekettik qyzmetshige jasalǵan tártiptik jaza aktisiniń kúshin joıdyq. 76 adamnan jaza merziminen buryn alyndy. Memlekettik qyzmet týraly zańnamanyń saqtalýyna qatysty 6 tekseris júrgizildi. Nátıjesinde 152 zańbuzýshylyq anyqtaldy», - deıdi Elena Stepanenko.

Jalpy, qazirgi ýaqytta SQO-da 4 myńǵa jýyq memlekettik qyzmetshi bar. Bıyl 1,5 myń adam qyzmetke turý úshin ótinish bergen, bul ótken jylmen salystyrǵanda 1,5 ese kóp. Desek te, olardyń tek 31,1%-y ǵana zańnamalardy bilýden ótken testileýde shekti baldy jınaı aldy.