SQO-da «Adal kómek» jobasy iske qosyldy

PETROPAVL. QazAqparat – Soltústik Qazaqstan oblysynda azamattarǵa tegin quqyqtyq kómek kórsetýdi maqsat etken «Adal kómek» jobasy iske qosyldy, dep habarlaıdy QazAqparat tilshisi.

SQO Sybaılas jemqorlyqqa qarsy qyzmettiń málimetinshe, jańa joba volonterler jyly aıasynda ashyldy. QR Sybaılas jemqorlyqqa qarsy is-qımyl agenttiginiń SQO boıynsha departamentiniń bastamasy. Joba boıynsha azamattardyń quqyqtyq saýattylyǵyn arttyrýdy, sonymen qatar ómirlik mańyzdy máselelerdi sheshýde halyqtyń áleýmettik álsiz toptaryna quqyqtyq kómek kórsetiledi.

«Turǵyndardyń kópshiligi quqyqtary buzylǵan kezde kimmen baılanysatyndyǵyn, máselesi qaı memlekettik organnyń quzyretine kiretinin jáne shaǵym berý tártibin bilmeıdi. Kóp jaǵdaıda tıisti organǵa aryzdyń saýatty jazylýy nátıjege áser etedi», - deıdi Sybaılas jemqorlyqqa qarsy qyzmettiń mamandary.

«Adal kómek» jobasyna Agenttiktiń qyzmetkerleri, tájirıbeli zańgerler, advokattar, notarıýstar, sondaı-aq stýdentter, magıstranttar, doktoranttar, joǵary oqý orny zań fakýltetteriniń oqytýshylary volonter retinde qatysyp, turǵyndarǵa suraqtary boıynsha turaqty túrde tegin keńes beredi.

SQO turǵyndary óz máseleleri boıynsha ár senbide saǵat 10.00-13.00 aralyǵynda Petropavldaǵy «ANTIKOR ORTALYǴY» servıstik ortalyǵyna habarlasýlaryna bolady.