SQO-da abaısyzda basyna shege atylǵan er adam aman qaldy

PETROPAVL. KAZINFORM — Soltústik Qazaqstan oblysynda jóndeý jumysyn júrgizý barysynda 51 jastaǵy er adam jaraqat aldy.

Petropavl qalalyq kópbeıindi aýrýhananyń málimetinshe, rentgendik zertteýden keıin pnevmatıkalyq pıstoletpen atylǵan shegeniń er adamnyń qulaǵynyń mańyna kirip, moıyn omyrtqasy janynan ótkeni belgili boldy. 

Dárigerlerdiń aıtýynsha, mańyzdy múshelerdiń zaqymdanýyna sál ǵana qalǵan eken. 
Jaq-bet hırýrgteri shegeni alyp, tıisti em-dom jasady. Keıin jarany tigip, naýqasty birqatar usynymmen úıge jiberdi.

— Moıyn tusynan jaraqat alý asa qaýipti. Óıtkeni moıyn arqyly iri qan tamyrlary, júıke júıesi, tynys alý joly jáne julyn ótedi.  Saımandarmen jumys istegende qaýipsizdiń erejesin saqtaǵan jón. Qorǵanysh zattaryn paıdalanyp, jaraqat alǵan jaǵdaıda birden dárigerge kóringen jón, — deıdi dárigerler.

Buǵan deıin ShQO-da qaraýsyz qalǵan 4 bala óz úıinde órtenip kete jazdaǵanyn jazǵan edik.