SQO-da 9 jasar balany kóligimen qaqqan júrgizýshi tabyldy
PETROPAVL. QazAqparat – Petropavlda velosıped teýip júrgen 9 jasar balany kóligimen qaǵyp, oqıǵa ornynan izin sýytqan júrgizýshi tabyldy, dep habarlaıdy QazAqparat Polisia.kz saıtyna silteme jasap.
29 maýsymda Jumysshy kentiniń Pýgachev kóshesinde bolǵan edi. Velosıped mingen 9 jasar balany «Audi-100» kóligi qaǵyp, júrgizýshi oqıǵa bolǵan jerden qashyp ketti. Er bala aýrýhanaǵa jetkizilip, medıtsınalyq kómek kórsetilgennen keıin úıine jiberildi.
Polıtsııa málimetinshe, avtokólik ıesi turǵylyqty jeri boıynsha tirkelgen mekenjaıdan anyqtaldy. Qalanyń 43 jastaǵy turǵyny oqıǵadan kelesi kúni tabyldy.
Qazirgi ýaqytta sot-medıtsınalyq saraptama taǵaıyndaldy. Onyń nátıjesi boıynsha protsessýaldyq sheshim qabyldanatyn bolady.
«Jol-kólik oqıǵalary sanynyń artýyna baılanysty Polıtsııa departamentiniń basshylyǵy jol qozǵalysy qaýipsizdigin arttyrýǵa baǵyttalǵan profılaktıkalyq jumysty kúsheıtýdi sheshti. «Qaýipsiz jol» oblystyq shuǵyl-aldyn alý sharasynyń maqsaty – jol apattary sanyn azaıtý, júrgizý mádenıetin arttyrý. Bul, ásirese, balalar kóp ýaqytyn dalada ótkizetin jazǵy ýaqytta asa ózekti. Osy kezde júrgizýshilerden asa qyraǵylyq talap etiledi», - dedi SQO Polıtsııa departamenti bastyǵynyń mindetin atqarýshy Qanat Aıtbaev.
Reıd 2-11 shilde aralyǵynda ótkizilýde.
Alǵashqy kúni oblys joldarynda ereje buzýdyń 491 faktisi anyqtaldy.
