SQO-da 9 myńnan astam jasóspirim vaktsınatsııadan ótti

PETROPAVL. QazAqparat – Soltústik Qazaqstan oblysynda 9 251 jasóspirim vaktsınatsııanyń tolyq kýrsynan ótti. Bul ekpe alýy tıis balalardyń tek 29 %-y ǵana, dep habarlaıdy QazAqparat tilshisi.

SQO densaýlyq saqtaý basqarmasynyń shtattan tys pedıatry Anar Sarbasovanyń aıtýynsha, jasóspirimder arasynda vaktsınatsııa qarqyny tómen. Ata-analar balalaryna ekpe qoıdyrýǵa asyǵar emes. Ótken jyldyń qarasha aıynan oblysta 11 835 bala vaktsınanyń birinshi preparatyn saldyrǵan. Bul – ekpe alýy tıis jasóspirimderdiń 37 %-y. Ekinshi komponentti 9 251 jasóspirim, ıaǵnı 29 %-y aldy.

«Vaktsınatsııa – derttiń aldyn alý, ımmýnıtetti jaqsartý. Ekpe saldyrý arqyly aýrýdy jeńil ótkerýge bolady. Mektepterde ata-analarmen kezdesip, túsindirý jumystaryn júrgizip jatyrmyz. Statıstıkany keltiremiz. Balalardyń arasynda da KVI-di juqtyrǵandar kóbeıgen. Jyl basynan 10 naýryzǵa deıin 2305 jaǵdaı tirkelgen. 201-i oblystyq kópbeıindi balalar aýrýhanasyna jatqyzyldy», - deıdi Anar Sarbasova.

Byltyr SQO-da 2879 bala koronavırýs juqtyrǵan. Onyń 549-y statsıonarda emdeldi. Osy balalardyń 458-inde aýrý asqynyp, pnevmonııa boldy.