SQO-da 840 mln teńgeni jymqyrǵan kásipkerge qatysty úkim ózgerissiz qaldy

PETROPAVL. KAZINFORM – Qylmystyq isti Soltústik Qazaqstan oblystyq sotynyń qylmystyq ister jónindegi apellıatsııalyq sot alqasy qarady. 

Sottalǵan P. úkimmen kelispeı apellıatsııalyq shaǵym túsirgen edi. 

SQO sotynyń málimetinshe, jaýapkershiligi shekteýli seriktestiktiń dırektory bolǵan P. 2021 jyly alaıaqtyq jolmen bıýdjet qarajatyn jymqyrmaq bolady. Osy maqsatta ol «Soltústik» áleýmettik-kásipkerlik korporatsııasymen jylyjaı keshenin qarjylandyrý týraly shart jasasqan. Qural-jabdyq satyp alýǵa kerek degen jeleýmen aktsıonerlik qoǵamnan 840 mln teńge aqsha alǵan. Keıin P. bul qarajatty jeke maqsattaryna paıdalanǵan.

2025 jylǵy 20 tamyzda Petropavl qalalyq sotynyń úkimimen P. Qylmystyq kodekstiń 190-baby 4-bóliginiń 2-tarmaǵy, ıaǵnı asa iri mólsherdegi alaıaqtyq boıynsha kináli dep tanylyp, 6 jylǵa bas bostandyǵynan aıyryldy. Sondaı-aq oǵan qarjy jáne kommertsııalyq uıymdarda basshylyq jáne materıaldyq jaýapty laýazymdardy atqarýǵa 7 jyl merzimge tyıym salyndy.

SQO sotynyń qylmystyq ister jónindegi sot alqasynyń qaýlysymen Petropavl qalalyq sotynyń úkimi ózgerissiz qaldyrylyp, apellıatsııalyq shaǵymdar qanaǵattandyrylmady.

Sot qaýlysy zańdy kúshine endi.

Buǵan deıin Atyraýda para alǵany úshin sottalǵan Baqytgúl Hamenova toıda kózge túskenin jazǵan edik.