SQO-da 840 adam koronavırýsqa qarsy vaktsınanyń ekinshi komponentin aldy
PETROPAVL. QazAqparat – Soltústik Qazaqstan oblysynda koronavırýsqa qarsy reseılik «Spýtnık V» vaktsınasynyń ekinshi komponenti 840 adamǵa salyndy, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, óńirge 22 aqpan kúni «Spýtnık V» vaktsınasynyń ekinshi komponenti jetkizilip, ekpe egý jumystary bastalyp ketti. Vaktsına alyp jatqandardyń ishinde medıtsına qyzmetkerleri, sanıtarııalyq qyzmettiń mamandary bar. Tórt kúnniń ishinde 840 adamǵa ekpe jasaldy. Jalpy doza – 1200.
Koronavırýsqa qarsy vaktsınanyń ekinshi partııasy óńirge kelesi aptada jetkizilýi tıis. Bul joly SQO-ǵa 2800 danasy bólingen.
Mamandardyń aıtýynsha, birinshe kezekte qalǵan medıtsına qyzmetkerleri alady. Keıin kúsh qurylymdardyń ókilderi egilmek. Sondaı-aq ustazdar men bilim basqarmasy men bólimderdiń qyzmetkerleri koronavırýsqa qarsy vaktsına alady.
Búginde SQO-da koronavırýs boıynsha jaǵdaı turaqtalǵan. Óńir «sary aımaqta» tur. Ótken táýlikte oblysta KVI juqtyrýdyń jańa 30 jaǵdaıy tirkeldi. Onyń 21-inde adamdar dárigerlerge aýyryp kóringen.
Jalpy osy ýaqytqa deıin óńirde COVID-19 juqtyrýdyń 12207 jaǵdaıy tirkeldi.
