SQO-da 800-ge jýyq adam Pfizer vaktsınasyn aldy
Petropavldaǵy emhanalarda Pfizer vaktsınasyn egetin arnaıy ekpe oryndary ashylǵan. Bul jerde jasóspirimder, júkti jáne bala emizetin áıelder vaktsına alyp jatyr. Maqsat Qudrattollaev SQO kópbeıindi aýrýhananyń kardıologııalyq blogyn basqarady. Dáriger vaktsınatsııaǵa zaıybyn jáne eki qyzyn ertip keldi.
«Koronavırýs juqtyrǵan naýqastarmen jumys istegendikten vaktsınatsııa bastalǵanda aldyńǵy qatarda ekpe aldym. Qaýipti ınfektsııany úıge ákelmeý úshin, otbasymdy qorǵaý úshin vaktsına qoıdyrdym. Endi jasóspirimderge, júkti jáne emizýli balasy bar áıelderge vaktsınatsııa bastalǵandyqtan eki qyzym jáne zaıybymmen keldim. Óıtkeni vaktsına alǵannan keıin óziń aýyrmasań da, sen ınfektsııany tasymaldaýshy bolýyń múmkin. Sondyqtan koronavırýstan qorǵaný úshin osyndaı sheshim qabyldadyq. Zaıybym bala emizedi, 1,5 jasar ulymyz bar. Eki qyzym 12 jastan asqan», - deıdi dáriger.
Qyzdardyń úlkeni – Nurgúl 16-da, Ásel – 14 jasta. Ábý Dosmuhambetov atyndaǵy daryndy balalarǵa mamandandyrylǵan mektep-gımnazııada bilim alyp jatyr.
«Ata-anamyzben birge keldik. Esh aýyrtqan joq. Jaǵdaıymyz jaqsy. Qorqýdyń qajeti joq, óıtkeni bul bizdiń densaýlyǵymyz úshin kerek», - deıdi Nurgúl Qudrattollaeva.
SQO-da Pfizer vaktsınasyn búginge deıin barlyǵy 798 adam aldy. Onyń ishinde 571-i jasóspirim, 13-i júkti áıel jáne 214-i jas ana.
