SQO-da 8 jasar qyz joǵalyp ketti
PETROPAVL. QazAqparat – Soltústik Qazaqstan oblysyndaǵy Esil aýdanynda joǵalyp ketken 8 jasar qyzdy polıtseıler men qutqarýshylar izdep jatyr, dep habarlaıdy QazAqparat.
8 maýsym kúni saǵat 23.30-da Esil aýdany ıAvlenka eldi mekenindegi №10 órt sóndirý bólimine Pokrovka aýylynda 2012 jyly týǵan qyzdyń habarsyz ketkeni jaıynda habarlama túsedi.
9 maýsym kúni saǵat 10.00-de SQO TJD jedel-qutqarý jasaǵynyń súńgýirleri, aýdandyq bólimniń qutqarýshylary jáne polıtseıler, jergilikti atqarýshy organ ókilderi joǵalǵan qyzdy izdeýdi bastady.
8 jasar qyz úıinen saǵat 20.00 shamasynda eshkimge aıtpaı shyǵyp ketken.
Esil ózeniniń jaǵasynan jetkinshektiń kıimi tabyldy.
«Esil ózeniniń túbi jáne ózenniń boıy tekserilip jatyr. Jeke quramnan 19 adam, 5 tehnıka jáne eki qaıyq jumyldyryldy. Іzdeý jumystary jalǵasady», - deıdi SQO TJD Esil aýdandyq tótenshe jaǵdaı bóliminiń bas mamany Kenjebek Qojahmetov.
SQO polıtsııa departamenti baspasóz qyzmetiniń málimetinshe, 8 jasar qyz aýylǵa jazǵy demalysqa qonaqqa kelgen. Keshke jaqyn úıine oralmaǵan soń ájesi ýchaskelik polıtsııa ınspektoryna aıtady. Ol eriktiler men TJ qyzmetkerlerin jumyldyryp, balany izdeıdi. Ózen jaǵasynda, shamamen aýyl shetinen 500 metrdeı jerde qyzdyń kıimderi tabyldy.
Kúndiz ol ózimen teteles nemere inisimen oınaǵan. Bala úıine oralǵan soń, qyzben birge sýǵa túskenin jáne ony aǵys alyp ketkenin aıtqan.
«Ótinish keshki saǵat 23 shamasynda kelip tústi. Túni boıy izdestirildi. Qazir jumys jalǵasýda. Súńgýirler shaqyryldy»,- deıdi Esil aýdanynyń PB bastyǵy Erlik Eslámbekov.
