SQO-da 76 myń tonna ýly zat aýaǵa taraǵan
PETROPAVL. QazAqparat – Soltústik Qazaqstan oblysy boıynsha Statıstıka departamentinde mamandar ótken jyly aýaǵa qansha jáne qandaı zııandy zattardyń taraǵanyn eseptedi, dep habarlaıdy QazAqparat tilshisi.
Ulttyq statıstıka bıýrosy SQO boıynsha departamentiniń málimetinshe, byltyr óńirdegi barlyq lastaý kózderi 1,2 mln tonna ýly zat shyǵarǵan. Bul, 2019 jylmen salystyrǵanda 0,8% kóp.
Zııandy zattardyń basym bóligi tazartý nysandaryna túsken, sonyń nátıjesinde ýly zattardyń 94% qorshaǵan ortaǵa taraǵan joq. Al qalǵan 76 myń tonnasy atmosferaǵa ketken. Bul onyń aldyndaǵy jylmen salystyrǵanda 1,7% joǵary.
«Taraǵan zııandy zattardyń jalpy kóleminiń 68% gaztárizdes jáne suıyq zattar. Sonyń ishinde 35% kúkirtti angıdrıd, 23% jýyǵy quramynda kremnıı qostotyǵy, kómirtek totyǵy jáne azot dıoksıdi bar organıkalyq emes tozań», - delingen departament taratqan habarlamada.
Jalpy SQO-da aýaǵa zııandy zat bóletin 15 056 statsıonarlyq lastaý kózi bar. Olar 2 200-den astam kásiporynda ornalasqan.
