SQO-da 70 jyl buryn salynyp, namazhana retinde qoldanylǵan ǵımarat órtendi
PETROPAVL. KAZINFORM – Soltústik Qazaqstan oblysyndaǵy Kazanka aýylynda namazhana órtenip, tolyq janyp ketti.
SQO Tótenshe jaǵdaılar departamenti baspasóz qyzmetiniń málimetinshe, 9 aqpan kúni keshkisin «101» nómirine Aıyrtaý aýdany, Kazanka aýylynda ǵımarattyń órtenip jatqandyǵy týraly habar túsken. Ony turǵyndar namazhana retinde paıdalanyp kelgen.
Órt sóndirýshiler kelgen kezde úı tolyǵymen otqa oranyp, shatyr qulaǵan bolatyn. Jalynmen kúreske aýyldaǵy órt sóndirý pýnktiniń qyzmetkerleri men «Dostyq elevatory» JShS quramyndaǵy jeke órt qyzmeti jumyldyryldy.
Órtti 18 adam jáne 6 tehnıka sóndirdi. Zardap shekkender joq. Aldyn ala boljam boıynsha, órttiń shyǵýyna peshti paıdalaný kezinde órt qaýipsizdigi erejelerin buzý sebep bolǵan.
Aıyrtaý aýdany ákimdiginiń málimetinshe, ǵımarat 1956 jyly salynǵan. Jetpis jyldyq tarıhy bar nysanda buryn dárihana men naýbaıhana ornalasqan. Al 2019 jyly turǵyndarǵa 30 oryndyq namazhana retinde paıdalanýǵa berilgen.
SQO bas ımamy Hamzat Ádilbekovtyń aıtýynsha, namazhana Qazaqstan musylmandary Dinı basqarmasynda tirkelmegen.
- Bul ǵımarat turǵyndardyń suraýymen namazhana retinde paıdalanyp kelgen. Byltyr jazda aýyl turǵyndarymen kezdesken kezde, meshit kerek dep aıtyp edi. Qandaı istiń bolmasyn qaıyry bar. Bul oqıǵa teldi mekende jańa meshit salýǵa túrtki bolar, - deıdi Hamzat Ádilbekov.
Buǵan deıin Astanada dámhana órtengenin jazǵan edik.