SQO-da 7-synyp oqýshysy shahmat trenajerin jasap shyqty
PETROPAVL. KAZINFORM – Soltústik Qazaqstan oblysynda mektep oqýshysy shahmat oıynyn úırenýshilerge arnalǵan trenajer jasady.
Bolashaq ınjener Erlan Qudaıbergen Aqqaıyń aýdany Ý. M. Ahmedsafın atyndaǵy Sovet orta mektebinde bilim alady.
Ol jasaǵan shahmat trenajeri oıyndy úırengisi keletin, biraq fıgýralardyń júrisin bilmeıtinderge arnalǵan. Elektrondy qurylǵydaǵy fıgýrany qozǵaǵan kezde sham janyp, onyń júris jolyn kórsetedi. Sondaı-aq dybys arqyly ár shahmat tasynyń ereksheligi aıtylyp, keńes beriledi.
— Trenajerdiń oıyn jáne oqytý rejımi bar. Al ony jasaýǵa Prezıdentimizdiń shahmat oıynyn mektep baǵdarlamasyna engizý týraly usynysy sebep boldy. Trenajerdi jasaýǵa ustazym Berik Amanjol kómektesti. Alty aı boıy eńbektendik. Qajetti bólshekterin satyp aldyq, qurastyryp, baǵdarlamalyq kodyn jazyp shyqtyq. Eń qıyny da osy baǵdarlamasy boldy, - deıdi Erlan Qudaıbergen.
SQO bilim basqarmasynyń málimetinshe, Erlan osy jobasymen respýblıkalyq baıqaýǵa qatysyp, «Informatıka, robototehnıka, STEM jáne ınjenerııa» sektsııasynda 2 oryndy ıelendi. Qazir onyń trenajerin mektep oqýshylary qoldanyp, shahmet oıynyn úırenip jatyr.
Buǵan deıin SQO-da aýyl balasy sybaılas jemqorlyqqa qarsy halyqaralyq baıqaýdyń júldegeri atanǵanyn jazǵan edik.