SQO-da 7 kásiporynnyń jumysshylaryna qaryzy 95,3 mln teńgege jetti
PETROPAVL.QazAqparat - Oblystyq ákimdikte ótken jınalysta eńbekaqy tóleý boıynsha qaryz máselesi qaraldy, dep habarlaıdy «QazAqparat» HAA tilshisi.
Memlekettik eńbek ınspektsııasy basqarmasynyń basshysy Qaırat Pishenbaevtyń málimdeýinshe, bıylǵy jyldyń mamyr aıynda oblystaǵy 7 kásiporynnyń 798 jumysshysynyń aldyndaǵy qaryzy 89,9 mln teńgeden 95,3 mln teńgege ósken.
Boryshkerler qatarynda «Petropavl halyqaralyq áýejaıy» AQ da bar. Kompanııa óz qyzmetkerlerine 18,6 mln teńge qaryz. Mamyr aıynda olarǵa 5 mln teńge kólemindegi qańtar aıynyń eńbekaqysy tólengen. Qyzyljar aýdanynyń ákimi Bolat Jumabekovtyń aıtýynsha, halyqaralyq áýejaı shtaty talapqa saı adamdardyń belgilengen sanymen jasaqtalýy tıis. Eńbekaqynyń kirisi men shyǵysynyń aıyrmashylyǵy shamamen 2 mln teńgeni quraıdy.
«Qazir Almatyǵa aptasyna eki ret ushaq ushyrylady, suranys ta joǵary. Ushaqtardyń úshten ekisi tolyq, demek, reısterdiń sanyn aptasyna úsh retke arttyrý kerek. Alǵashqy reıs 19 jolaýshymen Shymkentke attandy. Jumys isteý kerek», - dedi óńir basshysy Qumar Aqsaqalov.
Sondaı-aq, Ýálıhanov jáne Jambyl aýdandary kásiporyndardaǵy eńbekaqy tóleý boıynsha qaryzdyń ósimi baqylaýǵa alynatyn bolady.
Ǵ.Músirepov aýdanyndaǵy eńbekaqy qaryzy 8 mıllıonnan 6,8 mln teńgege, Taıynsha aýdanynda 18,4 mln teńgeden 16,1 mln teńgege tómendedi.
