SQO-da 69 sheteldik azamat qazaqstandyq qujattardy qoldanyp kelgen
SQO polıtsııa departamenti baspasóz qyzmetiniń málimetinshe, kóshi-qon qyzmetiniń qyzmetkerleri bıyl kóshi-qon zańnamasyn buzýǵa qatysty 3800-den asa derekti anyqtaǵan. Basym bóligi, ıaǵnı 3 167-si - QR Ákimshilik quqyq buzýshylyq týraly kodeksiniń 492-baby «Qazaqstan Respýblıkasynda tirkeýsiz ne jeke basty kýálandyratyn qujattarsyz turýǵa» qatysty. Budan bólek, el aýmaǵynda bolý qaǵıdalaryn buzýdyń 447 deregi anyqtaldy.
«El aýmaǵynda bolý qaǵıdalaryn buzý negizinen ruqsat etilgen kelý merzimderin saqtamaýǵa jáne kelý maqsatynyń sáıkessizdigine baılanysty. 28 adam zańmen belgilengen bir aı merzimde basqa azamattyq alǵany týraly habarlamaǵan. Taǵy 69 adam shetel azamattyǵyn alǵanymen, qazaqstandyq qujattardy qatar qoldanyp kelgen», - deıdi SQO PD kóshi-qon qyzmeti basqarmasynyń bastyǵy Talǵat Ábilov.
Sheteldik jumys kúshin zańsyz paıdalanǵany úshin 37 soltústikqazaqstandyq ákimshilik jaýapqa tartyldy.
«Qabyldaýshy tarap úsh jumys kúni ishinde basqa memleketterdiń azamattarynyń nemese azamattyǵy joq adamdardyń kelgendigi jaıynda ishki ister organdaryn habar etýi tıis. Kóshi-qonǵa baılanysty suraqtar týǵan jaǵdaıda aýmaqtyq kóshi-qon qyzmetine júginýge bolady. Petropavlda: 8 (7152) 34-00-50 telefon nómirine, sondaı-aq syrtqy kóshi-qon máseleleri boıynsha 8 (7152) 34-00-23, azamattyq máseleleri boıynsha 8 (7152) 34-00-35 telefondaryna habarlasýǵa bolady», - deıdi Talǵat Ábilov.
