SQO-da 670 myń gektar jer memleket menshigine qaıtaryldy

NUR-SULTAN. QazAqparat - Soltústik Qazaqstan oblysynda sońǵy 4 jylda 670 myń ga aýylsharýashylyq jeri memleket menshigine qaıtarylǵan. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.

«Jerdi tıimdi paıdalaný - biz úshin mańyzdy másele. Prezıdenttiń «Durys jumys istemeıtinderdiń jerin qaıtaryp alý kerek» degen tapsyrmasy bar. Aımaqta sońǵy 4 jylda 670 myń ga jer memleket menshigine qaıtaryldy. Buryn zań boıynsha qoldanylmaǵan jerler 5 jylda qaıtaryp alynatyn, qazirgi zań boıynsha 2 jylda qaıtaryp alynady», - deıdi SQO ákimi Qumar Aqsaqalov.

Onyń aıtýynsha, bul zańdy áli de jetildire túsý kerek.

«Óńir - aýyl sharýashylyǵy ónimderin óndirý boıynsha kóshbasshylardyń biri. Sońǵy 3 jyl ishinde aýylsharýashylyǵy óniminiń jalpy kólemi 1,3 esege - 411 mlrd teńgeden 516 mlrl teńgege deıin ósti», - deıdi ol.

Eske sala ketsek, buǵan deıin SQO-daǵy baspana máselesi týraly jazǵan bolatynbyz.