11:50, 26 Shilde 2024 | GMT +6
SQO-da 64 jastaǵy er adam eki aptadan beri tabylmaı jatyr
PETROPAVL. KAZINFORM – Soltústik Qazaqstan oblysy Qyzyljar aýdany Beskól aýylynyń turǵyny Alı Allahverdıev 13 shildeden beri tabylmaı jatyr.
Búgin tańerteń volonterler, polıtseıler, eriktiler jáne qutqarýshylar joǵalǵan er adamdy izdeýge jınalyp shyqty. Bul týraly áleýmettik jelide jarııalap, kómekke shaqyrdy.
Jergilikti volonterlerdiń aıtýynsha, Alı Allahverdıev saǵat 19.30 shamasynda úıinen shyǵyp, Aýdı-80 kóligine minip ketken. Sodan beri habar joq.
Alı Allahverdıev 1959 jyly týǵan. Aryqsha kelgen, shashyna aq túsken, shashy qysqa qıylǵan, kózi jasyl tústi. Sol jaq qolynda jeti kúmbez beınelengen tatý sýreti bar.
Sol kúni ústinde tor syzyqty kók tústi jeıde jáne kók djınsy shalbar bolǵan.
