SQO-da 61 jastaǵy er adam 20 kúnnen beri tabylmaı jatyr
PETROPAVL. QazAqparat – Petropavl turǵyny ıÝrıı Volosnıkov iz-túzsiz joǵaldy. Úıinen shyǵyp ketken er adamnan 20 kúnnen beri habar joq, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, tártip saqshylary iz-túzsiz joǵalǵan 61 jastaǵy ıÝrıı Anatolevıch Volosnıkovke izdeý jarııalady. Petropavl turǵyny 24 qyrkúıekte Kárim Sútishev kóshesindegi úıinen shyǵyp ketken jáne búginge deıin onyń qaıda júrgeni belgisiz. Sol kúni er adamnyń ústinde qońyr tústi jeńil kúrteshe, kók tústi djınsy bolǵan. Boıy shamamen – 160 sm, dene bitimi aryqsha kelgen.
Іzdeý jumystaryna soltústikqazaqstandyq polıtsııa bólinisteriniń jeke quramy baǵdarlandy. Volonterler áleýmettik jelilerde baǵyt-baǵdar taratyp, izdeý is-sharalaryna kómektesip jatyr.
Polıtseıler joǵalǵan adam týraly qandaı da bir aqparat bolsa, myna 8 (7152) 49-39-49, 8 (7152) 49-30-74, 8-700-580-08-02 telefon nómirlerine nemese «102» arnasyna habarlasýdy suraıdy.
SQO PD Krımınaldyq polıtsııa basqarmasynyń bastyǵy Marat Jumalıevtiń aıtýynsha, jyl basynan oblysta adamdardyń iz-túzsiz joǵalǵany týraly 432 ótinish tirkelgen. Búgingi tańda 426 adamnyń júrgen jeri anyqtaldy.
Buǵan deıin Petropavl turǵyny Sergeı Lebedevke izdeý jarııalanǵanyn aıtqan edik. 43 jastaǵy er adam úıinen 21 qyrkúıek kúni saǵat 13.00 shamasynda shyǵyp ketken. Úıindegilerge Qyzyljar aýdany Krasnyı ıAr eldi mekeni mańynda Esil ózenine baryp balyq aýlaıtynyn aıtqan. Sodan beri Sergeıden habar joq.
Polıtsııa qyzmetkerleri, súńgýirler, volonterler oqıǵa ornyna baryp, izdeý jumystaryn júrgizgenimen, ol nátıje bermedi. Al 9 qazan kúni izdeýge eriktiler de qosyldy. Olar ormandy alqapty súzip ótip, batpaqty jerdi aralady, joldardyń boıyn tekserdi. Ázirge tabylmaı jatyr.
