SQO-da 600 oryndyq mektep ashyldy
PETROPAVL. QazAqparat – Petropavl qalasynda 600 oryndyq jańa mektep paıdalanýǵa berildi, dep habarlaıdy QazAqparat.
Soltústik Qazaqstan oblysy ákimi baspasóz qyzmetiniń málimetinshe, búgin «Bereke» yqsham aýdanynda jańa qazaq mektebi qoldanysqa berildi.
«Mereke kúni oblysymyzda áleýmettik mańyzy bar nysandar ashylýda. Búgin «Bereke» yqsham aýdanyndaǵy 600 oryndyq jańa qazaq mektebi qoldanysqa berildi. Bul Petropavldaǵy sońǵy 12 jylda salynǵan alǵashqy mektep.
Dál osyndaı 900 balaǵa shaqtalǵan mektep «Jas Órken» shaǵyn aýdanynda salynyp jatyr. Maǵjan Jumabaev kóshesinde taǵy bir mekteptiń qurylysy bastalyp jatyr. Jańa bilim ordalarynyń salynýy úsh aýysymdyq oqýdy joıyp, bilim sapasyn arttyrýǵa septigin tıgizedi», dep jazdy oblys ákimi Qumar Aqsaqalov Facebook-tegi paraqshasynda.
Ákimniń aıtýynsha, sońǵy úsh jylda óńirdegi bilim salasyna bólingen qarjy 29% ulǵaıǵan.
«Bul tendentsııa jalǵasady. Mektepterdiń qurylysyna jáne jóndelýine qomaqty qarjy jumsaý jalǵasyn tabady», dedi ákim.
