SQO-da 600-den astam muǵalim koronavırýsqa qarsy ekpe aldy
PETROPAVL. QazAqparat – Soltústik Qazaqstan oblysynda 300-ge deıin oqýshysy bar mektepter IV toqsandy dástúrli formatta bastaıdy. Óńirdegi epıdemıologııalyq ahýal nasharlaǵan jaǵdaıda balalar qashyqtan oqýǵa kóshedi, dep habarlaıdy QazAqparat tilshisi.
SQO bilim basqarmasynyń jetekshisi Gúlmıra Kárimova IV toqsandaǵy oqýǵa qatysty túsinik berdi. Gúlmıra Raıynbekqyzynyń aıtýynsha, oblysta ІІІ toqsandy qashyqtyqtan 14 466 oqýshy, dástúrli jáne aralas formatta 59 320 oqýshy nemese 80 %-y aıaqtaǵan.
«SQO bas memlekettik sanıtar dárigeriniń qaýlysyna sáıkes, 300-ge deıin oqýshysy bar mektepter synyptaǵy oqýshy sanyn 25-ten asyrmaı, shtattyq rejımde jumysyn jalǵastyrady. Qalǵan oqýshylar oqytýdyń aralas formatyna kóshedi. ıAǵnı algebra, geometrııa, fızıka, hımııa, bıologııa, geografııa, Qazaqstan tarıhy, qazaq, orys, shet tilderi sııaqty negizgi pánderdiń 70 %-y mektepte, al kórkem eńbek, ózin-ózi taný, qoǵam jáne din, bastapqy áskerı daıyndyq, kásipkerlik jáne bıznes negizderi, grafıka jáne jobalaý, fakýltatıvter qashyqtan oqytylady», - deıdi Gúlmıra Kárimova.
Koronavırýstyń taralýyna jol bermeý maqsatynda bir synyp – bir kabınette oqıdy. Mektepterde ashana jumys isteıdi.
«Mektepterde balalar men qyzmetkerlerdiń qaýipsizdigi úshin barlyq tıisti is-shara qolǵa alynǵan. Tórt deńgeıli dezınfektsııalyq fıltrden ótedi. Budan basqa kabınetter belgili bir ýaqyttan keıin jeldetilip, jýyp-tazalanady. Qazir óńir «jasyl aımaqta». Jaǵdaı ýshyǵyp, aýyratyndar kóbeıetin bolsa, oqý formatyn ózgertemiz. Ata-analarǵa aıtarym, balalarǵa mektep formasyn kıgizýdiń qajeti joq. Taza, klassıkalyq úlgidegi kıimmen sabaqqa kelýge bolady», - deıdi basqarma basshysy.
Qazir mektep muǵalimderi vaktsınatsııadan ótip jatyr. Búginge deıin 609 ustaz koronavırýsqa qarsy ekpe aldy.
