SQO-da 6-synyp oqýshysy týberkýlezdiń ashyq túrimen aýyrǵan

PETROPAVL. KAZINFORM — Bul jaǵdaı Soltústik Qazaqstan oblysy Ǵabıt Músirepov atyndaǵy aýdan mektepteriniń birinde boldy.

Ata-analardyń aıtýynsha, balada qaýipti dert 13 mamyr kúni anyqtaldy. Taǵy qansha balanyń, muǵalimniń aýyrǵany belgisiz. Ázirge tolyq tekseris júrgizilmegen. Sol sebepti ata-analar oqýshylardy ýaqytsha qashyqtan oqytýdy surap otyr. Alaıda mektep ákimshiligi olardyń ótinishine qulaq aspaǵan. Qazir balalar bir kabınet júıesimen oqyp jatyr.

SQO sanıtarııalyq-epıdemıologııalyq baqylaý departamenti baspasóz qyzmetiniń habarlaýynsha, bul oqıǵa boıynsha mektepte qorytyndy dezınfektsııa júrgizildi.

— Densaýlyq saqtaý mınıstriniń buıryǵy boıynsha týberkýlez — shekteý sharalary, sonyń ishinde karantın engiziletin aýrýlar qataryna jatpaıdy. Aýrý oshaǵy baqylaýǵa alyndy, qarsy epıdemııalyq is-sharalar júrgizilip jatyr, baılanysta bolǵan adamdar anyqtaldy. Aýdandyq aýrýhanada qazir olar tekserilip jatyr. Bul másele Departamenttiń erekshe baqylaýynda tur, — delingen baspasóz habarlamasynda.

Esterińizge salaıyq, buǵan deıin elimizde týberkýlezden ólim-jitim 50 paıyzǵa kemigenin jazǵan edik.