SQO-da 6 sheteldik azamat elden qýyldy
ASTANA. QazAqparat - Soltústik Qazaqstan oblysynda kóshi-qon zańnamasyn buzǵan 145 sheteldik azamat jaýapkershilikke tartyldy. Bul týraly óńirlik Polıtsııa departamentiniń baspasóz qyzmetinen málim etti, dep habarlaıdy QazAqparat.
SQO Polıtsııa departamenti Kóshi-qon qyzmeti basqarmasynyń uıymdastyrýymen 18-20 aqpan kúnderi aralyǵynda «Sheteldik» jedel profılaktıkalyq sharasy ótti.
«Onyń barysynda bazarlar, tranzıttik avtokólikter, sondaı-aq sheteldikter tyǵyz ornalasqan aýdandar tekserildi. Úsh kún boıy ótkizilgen reıdtiń nátıjesinde kóshi-qon polıtseıleri túrli ákimshilik quqyqbuzýshylyqtardy anyqtap, 145 shetel azamatyn jaýapkershilikke tartty», - delingen baspasóz habarlamasynda.
145 sheteldiktiń 138-ine Ákimshilik kodekstiń 517-baby («Sheteldiktiń nemese azamattyǵy joq adamnyń QR halyqtyń kóshi-qony salasyndaǵy zańnamasyn buzýy») boıynsha aıyp taǵyldy. Sondaı-aq sot sheshimimen el aýmaǵynan 6 sheteldik shyǵaryldy.
SQO PD Kóshi-qon qyzmeti basqarmasynyń basshysy Talǵat Ábilovtiń aıtýynsha, Ákimshilik quqyqbuzýshylyq kodeksiniń 518-babyna sáıkes sheteldikterdiń bolýyn qamtamasyz etý boıynsha sharalar qabyldamaǵan 57 qazaqstandyq jaýapkershilikke tartyldy. Sol sııaqty sheteldikterdiń jumys kúshin zańsyz paıdalanǵany úshin elimizdiń 6 azamaty jazalandy.
Habarlamada aıtylǵandaı, jalpy SQO-da jyl basynan beri kóshi-qon zańnamasyn buzǵan 376 shetel azamaty jaýapqa tartylyp, onyń 17-i sot sheshimimen el aýmaǵynan shyǵaryldy.
