SQO-da 6 myńnan astam halyq turatyn 85 aýyldy sý basýy múmkin

PETROPAVL. QazAqparat – Óńirlik kommýnıkatsııalar qyzmetinde Soltústik Qazaqstan oblysy tótenshe jaǵdaılar departamentiniń bastyǵy Ramıl Kamalov kóktemgi sý tasqynyna daıyndyq boıynsha aıtyp berdi, dep habarlaıdy QazAqparat tilshisi.

SQO TJD bastyǵy Ramıl Kamalovtyń aıtýynsha, óńirde sýy tasyp, arnasynan shyǵýy múmkin Esil, Chaglınka, Sileti, Qamysaqty ózenderi jáne olardyń saǵalary bar.

Sondaı-aq erigen qar sýynan keı kólder de jaıylýy múmkin.

«Qazgıdromettiń» málimetinshe, kórsetkishter kóp jylǵy deńgeıde, keıbiri, máselen, topyraqtaǵy kúzgi ylǵal 39 %-ǵa tómen. Sergeev sý qoımasy 78,6 %-ǵa tolǵan, bul byltyrǵy deńgeıden 11 %-ǵa tómen. Kóktemde shamamen 1080 mln tekshe metrge tolady dep josparlap otyrmyz, bul jyldaǵydaı kórsetkish. Sileti ózeninde ylǵal qory bıyl ádettegiden 25 %-ǵa artyq. Bul boljam qolaıly, desek te, kóktem jaýyndy-shashyndy bolady dep kútilýde. ıAǵnı kóktemgi sý tasqynyna áser etýi múmkin», - deıdi Ramıl Kamalov.

SQO-da qolǵa alynǵan is-sharalardyń nátıjesinde 170 eldi mekennen sý basý qaýpi alyndy. Qazirgi ýaqytta qyzyl sýdyń jolynda turǵan 85 eldi meken bar.

Bul - 6068 turǵyny bar 1872 úı. Bul eldi mekenderdiń 30-y ózenderdiń tasýynan, 13-i kól sýynyń kóterilýinen jáne 42-si erigen qardan sý astynda qalýy múmkin.

«Oblys ákimi kóktemgi sý tasqynyna daıyndyq, ótkizý jáne oblys aýmaǵynda yqtımal zalaldy azaıtý jónindegi negizgi is-sharalar josparyn bekitti, onyń aıasynda sý tasqyny qateriniń aldyn alý boıynsha aldyn ala jumystar atqarylyp jatyr. Búgingi kúni eldi mekenderden 463 myń tekshe metr qar shyǵaryldy. 3-4 naýryz kúnderi «Kóktem - 2016» respýblıkalyq komandalyq-shtabtyq oqý jattyǵýy ótedi. Aýdandardyń, memlekettik organdardyń, azamattyq qorǵaý kúshteri men quraldarynyń daıyndyǵy tekseriledi», - deıdi departament bastyǵy.