SQO-da 57 mektep dırektorynyń orny bos tur

PETROPAVL. KAZINFORM — Soltústik Qazaqstan oblysyndaǵy aýyl mektepterinde muǵalimder jetispeıdi.

Жайлы мектеп
Фото: Атырау облысының әкімдігі

SQO ákiminiń orynbasary Júsip Jumaǵulovtyń aıtýynsha, aýyl mektepterinde pedagogterdiń jetispeýshiligi ózekti másele. Qazirgi ýaqytta 164 mamannyń jáne 57 dırektordyń orny bos tur. Bul — kóshi-qonmen jáne jergilikti jerlerdegi ınfraqurylymdyq máselelermen baılanysty.

— Muǵalimder aýyldyq jerlerge kóshýi úshin barlyq qoldaý sharalary qolǵa alynǵan. Byltyr 85 ustaz turǵyn úı satyp alýǵa/salýǵa bıýdjettik nesıe aldy, taǵy 462 muǵalim kóterme járdemaqy aldy. Aýyl sharýashylyǵy qurylymdarynyń keıbiri kelgen ustazdarǵa barynsha jaıly jaǵdaı jasap, áleýmettik jaýapkershiligin kórsetip jatyr. Bul tájirıbe ásirese M. Jumabaev, Ǵ. Músirepov, Aıyrtaý jáne Qyzyljar aýdandarynda jaqsy jolǵa qoıylǵan. Máseleni sheshýge aýdan ákimderi de at salysýy tıis, — deıdi Júsip Jumaǵulov.

SQO-da qazaq mektepteriniń úlesi de tym tómen. Oblys ákimi orynbasarynyń aıtýynsha, óńirde qazir 444 mektep bar bolsa, sonyń 27%, ıaǵnı 107 mektep qazaq tilinde oqytady. Jalpy oblystaǵy oqýshylardyń ár tórtinshisi ǵana — 18 myń bala qazaq tilinde bilim alyp jatyr. Byltyr orys tildi 7 mektepte qazaq synyptary ashyldy. Bıyl qazaq synyptarynyń sanyn 30% jetkizý josparlanǵan.

Buǵan deıin Petropavlda 16 elden 170-ke jýyq sheteldik joǵary bilim alyp jatqanyn jazdyq. 


Сейчас читают