SQO-da 53 elikti atyp alǵandardyń isi sotqa jetti
Soltústik Qazaqstan oblysynda erekshe qorǵalatyn aýmaqta eki elikti atqan tórt brakoner sottaldy, dep habarlaıdy Kazinform.
SQO prokýratýrasynyń habarlaýynsha, Astana qalasynyń eki turǵyny jáne eki soltústikqazaqstandyq Qyzyljar aýdanyndaǵy ulttyq tabıǵı parktiń aýmaǵynda eki elikti zańsyz atyp alǵan.
Dálelder bola tura, jazaǵa tartylǵan olar óz kinásin moıyndamaǵan jáne istegen isterine ókinish bildirmegen.
Petropavl qalalyq soty prokýratýranyń pikirimen kelisip, tórt brakonerdi 3 jyldan 4 jylǵa deıin bas bostandyǵynan aıyrý jazasyn kesti. Sondaı-aq olardan keltirilgen materıaldyq shyǵyn - 4,5 mln teńge óndirilip alynady.
Úkim zańdy kúshine engen joq.
Petropavl qalalyq soty budan basqa 53 sibir eligin zańsyz atqan uıymdasqan qylmystyq top quramyndaǵy 4 adamǵa qatysty isti qarap jatyr. Olar memleketke 68 mln teńge shyǵyn keltirgen.
2023 jyly SQO sottary zańsyz ańshylyq úshin barlyǵy 12 is boıynsha 21 adamdy sottady.
