SQO-da 52 medıtsınalyq uıym ÁMSQ aıasynda qyzmet kórsetedi

PETROPAVL. KAZINFORM – Áleýmettik medıtsınalyq saqtandyrý qorynyń Soltústik Qazaqstan oblysy boıynsha fılıaly bıyl 52 medıtsınalyq mekememen jalpy somasy 70,9 mlrd teńgege shart jasady. 

«Áleýmettik medıtsınalyq saqtandyrý qory» KEAQ SQO boıynsha fılıalynyń dırektory Aınagúl Davletchınanyń aıtýynsha, medıtsınalyq uıymdarǵa 25,2 mlrd teńgeden astam soma tólengen. 2024 jyldyń qańtar aıy úshin 47 jetkizýshige 3,2 mlrd teńgege tólem jasaldy.

«Birinshi kezekte tólem gemodıalız ortalyqtarynyń, perzenthana bólimsheleriniń, joǵary tehnologııalyq medıtsınalyq kómektiń, jedel járdemniń, qan ortalyqtarynyń, konsýltatsııalyq-dıagnostıkalyq kómektiń jáne týberkýlez, psıhıkalyq densaýlyq baǵyttarynyń qyzmetteri úshin jasaldy. Osylaısha, búgingi tańda medıtsınalyq uıymdardyń 96%-y jyldyń birinshi aıy úshin tólem aldy. Al, aqpan aıy úshin tólemder maýsym aıynyń basynan bastap júrgizile bastaıdy», - deıdi Aınagúl Davletchına.

Qor medıtsınalyq aqparattyq júıelerdi jańartý kezeńinde klınıkalardyń qarjylyq turaqtylyǵyn qoldaý úshin medıtsınalyq uıymdarǵa beriletin avans mólsherin 70%-ǵa deıin arttyrǵan edi. Shart jasalǵan medıtsınalyq uıymdardyń barlyǵymen kezdesýler ótkizildi. Olarǵa tsıfrlandyrý protsesiniń erekshelikteri, qosymsha avanstyq ótinimder berý múmkindikteri jáne azamattarǵa úzdiksiz medıtsınalyq kómek kórsetý qajettiligi túsindirildi.

Esterińizge salaıyq, buǵan deıin SQO bıyl dári-dármek satyp alýǵa 9,3 mlrd teńge jumsaýdy josparlaǵanyn jazǵan edik.