SQO-da 50 tonna sazdy zańsyz óndirgen kásipker jaýapqa tartyldy
PETROPAVL. KAZINFORM - Soltústik Qazaqstan oblysynyń mamandandyrylǵan tabıǵatty qorǵaý prokýratýrasy jer qoınaýyn óz betinshe paıdalaný jáne jer qoınaýyn paıdalanýshylardyń kelisimsharttyq mindettemelerdi oryndamaý faktilerin anyqtady. Prokýrorlyq qadaǵalaý aktileri boıynsha memleket paıdasyna 18 mln teńge óndirildi, dep habarlaıdy Soltústik Qazaqstan oblysyq prokýratýrasynyń baspasóz qyzmeti.
Máselen, bıylǵy 7 tamyzda Petropavl qalasynyń mańynda kásipkerlik sýbektisi Qazaqstan Respýblıkasynyń Jer qoınaýy jáne jer qoınaýyn paıdalaný týraly kodeksiniń talaptaryn buza otyryp, arnaıy tehnıkany qoldaný arqyly keń taralǵan paıdaly qazbalardy (sazdy) zańsyz óndirgen. Shyǵarylǵan topyraq kólemi 50 tonna boldy.
Bul fakt Petropavl polıtsııa basqarmasynyń AEK-inde tirkelip, tıisti sharalar qabyldaý úshin oblystyq Ekologııa departamentine jiberildi.
Departamenttiń 2026 jylǵy 18 tamyzdaǵy qaýlysymen kásipkerlik sýbektisi Qazaqstan Respýblıkasynyń Ákimshilik quqyq buzýshylyq týraly kodeksiniń 139-baby boıynsha aıyppul túrindegi ákimshilik jaýapkershilikke tartyldy.
Sonymen qatar 2024–2025 jyldary 11 jer qoınaýyn paıdalanýshy Kodeks talaptaryna qaıshy, óńirdiń áleýmettik-ekonomıkalyq damýyna jalpy somasy 10,5 mln teńge qarajat aýdarmaǵan.
Basqa jaǵdaıda, jerasty sýlaryn paıdalanýdy júzege asyratyn 26 sýbekt salyq zańnamasynyń talaptaryn buza otyryp, jalpy somasy 29 mln teńge qol qoıý bonýsyn tólemegen.
Prokýrorlyq qadaǵalaý aktileri boıynsha memleket paıdasyna 18 mln teńge óndirildi, qalǵan somany óndirý boıynsha jumys jalǵasýda.
Qadaǵalaý organy jeke jáne zańdy tulǵalarǵa jer qoınaýyn óz betinshe paıdalanǵany úshin zańda belgilengen jaýaptylyq týraly eske salady jáne qoldanystaǵy zańnama talaptaryn saqtaýǵa shaqyrady.
Osyǵan deıin Abaı oblysynyń prokýratýrasy 3,4 myń kásipkerdiń quqyǵyn qorǵaǵany týraly jazdyq.
