SQO-da 5 kún ishinde izdeýdegi 10 qylmyskerdiń júrgen jerin anyqtady

PETROPAVL. QazAqparat – Soltústik Qazaqstan oblysynda «Іzdestirý» jedel-profılaktıkalyq is-sharasy ótip jatyr. Nátıjesinde izdeýde júrgen 10 qylmyskerdiń júrgen jeri anyqtaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, oblys aýmaǵynda 9-18 naýryz aralyǵynda «Іzdestirý» jedel-profılaktıkalyq is-sharasy ótip jatyr. Operatsııanyń bes kúni nátıjeli bolyp, izdeýdegi 10 qylmysker tabyldy.

Nur-Sultan qalasy aýmaǵynda urlyq jasady degen kúdikpen SQO turǵyny ustaldy. Er adamdy qolǵa túsirý úshin óńir polıtseıleri astanaǵa qyzmettik saparmen bardy. Petropavldyń jedel ýákilderi áriptesterimen birge kúdiktini taýyp, ýaqytsha ustaý ızolıatoryna qamady. Keıin ol Petropavlǵa jetkiziledi.

Al Petropavl qalalyq polıtsııa basqarmasy krımınaldyq polıtsııa bóliminiń qyzmetkerleri operatsııa aıasynda naýryzdyń basynan izdeýde bolǵan er adamdy ustady. Oǵan birneshe urlyq jasady degen aıyp taǵylǵan.

«Aýyr jáne asa aýyr qylmys jasaýda kúdiktiler sot organdarynan qashyp shet elge ketkileri keledi. Olardy izdestirýge erekshe nazar aýdarylady. Jedel-aldyn alý is-sharasy aıasynda oblys aýmaǵynan Reseıdiń Amýr oblysynyń ishki ister organdary izdeý jarııalaǵan qylmysker tabyldy, al Ózbekstan polıtseıleri SQO-da izdeýdegi kúdiktini anyqtaýǵa kómektesti», - deıdi SQO PD bastyǵynyń orynbasary Rýslan Nazarov.