SQO-da 5 qarashada aýdan ákimderiniń saılaýy ótedi
SQO-da aýdan ákimderine kandıdattardy usyný aıaqtaldy, bir orynǵa tórt úmitker barSoltústik Qazaqstan oblysyndaǵy Esil, Mamlıýt jáne Tımırıazev aýdandarynyń ákimderin saılaý 5 qarashaǵa bekitildi. Úsh saılaý okrýgi boıynsha 12 kandıdat bar, onyń jartysy ózin-ózi usynǵandar, - dep habarlaıdy QazAqparat tilshisi.
SQO saılaý komıssııasynyń málimetinshe, 5 qazanda kandıdattardy usyný merzimi aıaqtaldy. Úsh saılaý okrýgi boıynsha 12 kandıdat bar, onyń úsheýi – "AMANAT", taǵy úsheýi QHP-dan jáne qalǵany ózin-ózi usynǵandar.
12 kandıdattyń bireýi áıel. Aýdan ákimine úmitkerlerdiń ortasha jasy 50-de, eń jasy 32-de bolsa, eń egdesi – 61-de.
Usynylǵan kandıdattardyń 10-y - memlekettik qyzmetshi, ekeýi bıýdjettik mekemelerdiń qyzmetkeri. 10 memlekettik qyzmetshiniń ishinde: bireýi aýdan ákimi, ekeýi aýdan ákiminiń orynbasary, altaýy aýyldyq okrýg ákimi.
Búginde 11 kandıdattyń sáıkestigi anyqtaldy, 1 kandıdat memlekettik qyzmet salasyndaǵy zańnamanyń talaptaryna sáıkes kelmeıdi.
Kandıdattardy tirkeý 10 qazanda aıaqtalady.
2023 jylǵy 1 shildedegi aqparat boıynsha osy úsh aýdandaǵy 113 eldi mekende 36 myńnan astam saılaýshy bar. Jalpy turǵyndardyń sany 48 403 adam.
Bul saılaý kampanııasynda oblystyq saılaý komıssııasy, 3 aýdandyq aýmaqtyq saılaý komıssııasy men 84 ýchaskelik saılaý komıssııasy jumys isteıdi. Ýchaskelik saılaý komıssııalarynyń 440 múshesi bar.
