SQO-da 49 jastaǵy er adam úsh aptadan beri tabylmaı jatyr
PETROPAVL. QazAqparat – Soltústik Qazaqstan oblysynda 49 jastaǵy Alekseı Egorovke izdeý jarııalandy. Sergeevkadan Petropavlǵa jolǵa shyqqan er adamnan úsh aptadan beri habar joq, dep habarlaıdy QazAqparat tilshisi.
Alekseı Egorov 10 shilde kúni Sergeevka qalasynan Petropavlǵa kelýi tıis bolǵan. Alaıda dittegen jerine jetpegen. Habarsyz ketken er adamǵa izdeý jarııalandy.
Alekseı Egorov 1973 jyly 3 tamyzda týǵan. Boıy shamamen 168 sm, kók kózdi, qoıý sur shashty. Bileginde ulyǵan qasqyrdyń tatý sýreti jáne qolynda tyrtyǵy bar. Sol kúni ústinde kamýflıaj jazdyq kostıým bolǵan.
Alekseı Egorovty kórgen-bilgender bolsa, 8 777 307 9965, 8 926 626 64 33 nemese 102 nómirine habarlasý suralady.
Buǵan deıin SQO-da 59 jáne 34 jastaǵy eki er adamǵa izdeý jarııalanǵanyn aıtqan edik. Rıfkat Alımov pen ıÝrıı Molchanov bir kúnde joǵaldy. Ekeýi de Petropavl turǵyndary.
Al, mamyr aıynyń basynda habarsyz ketken Sergeı Bagınskııdiń denesi tabyldy . Ol kisi qolynan mert bolýy múmkin. Polıtsııaǵa onyń aýyldasy, 43 jastaǵy er adam kelip, Bagınskııdi óltirgenin aıtqan. Kúdikti qamaýǵa alyndy, tıisti tergeý sharalary júrgizilip jatyr.
