SQO-da 460 myńǵa jýyq turǵyny bar 140 eldi mekenge gaz jetedi
SQO Іshki saıasat basqarmasynyń málimetinshe, Soltústik Qazaqstan oblysynda «Sary-Arqa» gaz qubyrynyń qurylysy jospar boıynsha ІІІ kezeńge qaldyrylǵan edi. ıAǵnı kógildir otyn Petropavlǵa tek 2025-2026 jyldary ǵana jetýi tıis bolatyn. Prezıdenttiń tapsyrmasyna sáıkes bul merzim alǵa jyljytyldy.
«Qazirgi ýaqytta SQO aýmaǵynda gaz qubyrynyń qurylysyn 2021-2022 jyldarǵa aýystyrý máselesi qaralyp jatyr. «Nur-Sultan – Kókshetaý – Petropavl» ýchaskesinde «Sary-Arqa» magıstraldy gaz qubyry qurylysynyń ІІ jáne ІІІ kezeńi» jobasynyń tehnıkalyq-ekonomıkalyq negizine túzetý engizildi. Qujat memlekettik saraptamada jatyr. Jobany qarjylandyrý máselesi qaralýda», - delingen vedomstvonyń habarlamasynda.
Jobaǵa túzetý engizý barysynda «Sary-Arqa» magıstraldy gaz qubyryn tartýdyń eń ońtaıly baǵyty tańdaldy. SQO-da ol respýblıkalyq avtomobıl joly boıymen júrgiziledi. Nátıjesinde Taıynsha, Aqqaıyń jáne Qyzyljar aýdandaryn qamtıdy.
Oblysqa gaz berý 457 myń turǵyny bar 140 eldimekenniń áleýmettik-turmys jaǵdaıyn jaqsartpaq. Jeke turǵyn úılerdiń 75 myńy kógildir otynǵa kóshetindikten óńirdiń ekologııalyq jaǵdaıy jaqsarmaq. Ekonomıkanyń damýyna, sonyń ishinde iri ınvestıtsııalyq jobalardy júzege asyrýǵa, jańa óndiris oryndaryn ashýǵa sep bolady.