SQO-da 46 medıtsınalyq mekeme salynady

Soltústik Qazaqstan oblysynda 46 medıtsınalyq mekeme salynady. Bul týraly atalǵan oblystyń ákimi Gaýez Nurmuhambetov aıtty, dep habarlaıdy Kazinform.

«Bıyl densaýlyq saqtaý salasyn qarjylandyrý 48 paıyzǵa ulǵaıdy. «Aýyldaǵy densaýlyq saqtaýdy jańǵyrtý» ulttyq jobasy aıasynda óńirde 46 medıtsınalyq mekeme salý josparlanǵan. Onyń ishinde 8 nysannyń qurylysy aıaqtalýda. Olar – 5 dárigerlik ambýlatorııa, 2 - feldsherlik-akýsherlik pýnkt, 1 - medıtsınalyq pýnkt. Aldaǵy jyly qalǵan 38 nysannyń qurylysy bastalady», - dedi óńir ákimi Ortalyq kommýnıkatsııalar qyzmetindegi brıfıngte.

Onyń atap ótýinshe, búgingi kúni Petropavl qalasynda jáne aýdan ortalyǵynda emhananyń qurylysy jalǵasýda. 2024 jyldyń 1 toqsanynda memlekettik jekeshelik-áriptestik aıasynda 480 tósektik kópbeıindi oblystyq aýrýhana qurylysyn jalǵastyrý josparlanyp otyr.

«Sanıtarlyq avtokólik parki jańartylýda. Aýdandyq aýrýhanalarǵa 14 sanıtarlyq kólik berildi. Taǵy 19 birlik tehnıka satyp alynbaq. Medıtsınalyq jabdyqtarmen qamtamasyz etýge 5,2 mlrd teńge bólindi. Aýrýhana ınfraqurylymyna jańarý júrgizilip jatqanyna qaramastan tozý 77,5 paıyzdy quraıdy», - dedi ol.