SQO-da 42 aýyldyń ákimi óz ornyna qaıta saılandy

PETROPAVL. QazAqparat – Soltústik Qazaqstan oblysynda aýmaqtyq saılaý komıssııasy aýyl ákimderiniń saılaýyn qorytyndylady, dep habarlaıdy QazAqparat tilshisi.

SQO saılaý komıssııasynyń tóraǵasy Tilegen Qaskınniń aıtýynsha, zańǵa sáıkes saılaýdy jaramsyz dep tanýǵa nemese qaıta saılaý ótkizýge negiz joq.

Saılaý 71 saılaý okrýginde, onyń ishinde Mamlıýtka qalasynda jáne 70 aýyldyq okrýgte ótti.

Saılaýshylar 214 kandıdattyń ishinen tańdaý jasady.

Onyń ishinde 68 kandıdatty saıası partııalar usyndy, qalǵan 146-sy - ózin-ózi usynýshylar.

«Saılanǵan 71 ákimniń 57-i nemese 80,2% - memlekettik qyzmetshi. Onyń shinde naqty aýyldyq okrýgte 42 ákim qaıta saılandy. 4 - kommertsııalyq qurylym ókilderi, 6 - bıýdjettik uıym qyzmetkerleri, ekeýi ýaqytsha jumys istemeıdi. 19 ákim nemese 26,8 % – áıelder. Bir úmitker - «Bolashaq» memlekettik baǵdarlamasynyń túlegi. Mamandyǵy boıynsha 13-i - ekonomıst, 14-i - zańger, 21-i - oqytýshy, 7-ýi - ınjenerler. Saılanǵan ákimderdiń ortasha jasy – 45», - deıdi Tilegen Qaskın.

Eń kóp daýys jınaǵan - Tımırıazev aýdany Internatsıonalnyı aýyldyq okrýginiń kandıdaty Qanat Imanjanov. Oǵan saılaýshylardyń 98 % daýys bergen.

«Daýysty qaıta sanaý júrgizilgen joq. Saılaý komıssııalarynyń is-áreketine nemese áreketsizdigine joǵary turǵan komıssııalarǵa, sottarǵa shaǵym túsken joq», - deıdi oblystyq saılaý komıssııasynyń tóraǵasy.