SQO-da 400-ge jýyq hokkeı korty jumys isteıdi
PETROPAVL. QazAqparat - Qysqy sport túrlerimen aınalysý úshin Soltústik Qazaqstan oblysynyń aýmaǵynda 392 hokkeı korty jabdyqtalǵan, dep habarlaıdy QazAqparat oblystyq dene shynyqtyrý jáne sport basqarmasyna silteme jasaı otyryp.
Sońǵy eki jyldy 194 kort salyndy. Segiz jabyq kort Petropavlda jáne oblystyń úsh aýdanynda jumys istep tur. Birneshe kún buryn Esil aýdanynyń Zagradovka aýylynda «Prometeı» sport úıi ashyldy. Jyl sońyna deıin Aqjar aýdanynyń Talshyq aýylynda taǵy da bir jabyq korttyń qurylysy aıaqtalady.
Oblys aýmaǵynda qazir 209 hokkeı kortynda muz qatyryldy, ol jalpy sport nysandarynyń 55%-y. Al qalǵandary boıynsha jumystar birinshi jeltoqsanǵa deıin aıaqtaý kózdelip otyr. «Júrgizilgen taldaýǵa qarasaq, oblysta turǵyn sany 250-den kóp eldimekenderde taǵy da 27 hokkeı kortyna suranys bary anyqtaldy. Sonymen birge, Petropavlda 11 kort turǵyndar men PIK ótinishi boıynsha buzylyp, onyń ornyna jasandy kógaly bar shaǵyn fýtbol alańdary jasalǵan. Óıtkeni qar erigen kezde jertólelerdiń sýǵa tolyp ketý qaýpi týyndaǵan», - deıdi basqarma basshysy Rýslan Esenalın.
Onyń aıtýynsha, qysta oblystaǵy barlyq aýdandarda turǵyndar úshin konkı jalǵa alý beketteri ashylady. Petropavlda belsendi turǵyndar úshin bes jalǵa alý orny qarastyrylǵan.
Aıta keterligi, Soltústik Qazaqstan oblysynyń aýmaǵynda 569 myń adam turady, onyń 166 myńnan astamy buqralyq sportpen shuǵyldanady (turǵyndardyń 29,4%-y).
