SQO-da 400-ge jýyq ata-ana túnde júrgen balalary úshin aıyppul tóledi
PETROPAVL. QazAqparat – Soltústik Qazaqstan oblysynda tártip saqshylary jasóspirimderge qatysty reıd ótkizip jatyr, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, jyl basynan 69 reıd uıymdastyrylsa, 28 jasóspirim polıtseılerdiń esebine alyndy.
ıÝvenaldy polıtsııanyń qyzmetkerleri ár kesh saıyn jastar jıi jınalatyn qala kóshelerin, dámhanalardy, kompıýter klýbtary men aýlalardy tekseredi. Olardyń mineti jasóspirimdermen jáne olarǵa qatysty jasalatyn qylmystarǵa, quqyq buzýshylyqtarǵa jol bermeý.
Aptanyń jumys kúni bolǵanyna qaramastan reıdtiń úsh saǵaty ishinde tártip saqshylary túngi kóshede qydyryp júrgen úsh jasóspirimdi toqtatty. Balalardyń ata-analary shaqyrtylyp, olarmen profılaktıkalyq áńgime júrgizildi. Bul joly tek eskertý jasaldy.
«Qalalyq polıtsııa basqarmasynyń qyzmetkerleri reıdtik is-sharalardy kúndelikti ótkizedi. Anyqtalǵan jaǵdaıda – ata-analary shaqyrtylyp, QR Ákimshilik quqyq buzýshylyq týraly kodekstiń 442-baby boıynsha eskertý túrindegi jazaǵa tartylady. Eger bir jyl ishinde jasóspirim qaıta ustalsa, zańdy ókiline QR ÁQBtK 442-babynyń 3-bóligi boıynsha ákimshilik hattama toltyrylyp, 7 AEK mólsherinde aıyppul salynady», - deıdi ıývenaldy polıtsııa bóliminiń bastyǵy Elmıra Abýsheva.
Jasóspirimder tarapynan jasalatyn krımınal men quqyq buzýshylyqtyń aldyn alý jáne jolyn kesý boıynsha jumys oblystyq Polıtsııa departamenti basshylyǵynyń baqylaýynda. Jyl basynan 609 quqyq buzýshy jaýapkershilikke tartyldy, onyń 362-si balalarynyń túngi ýaqytta úıden tys jerde jáne kóńil-kóterý oryndarynda júrgeni úshin jaýap berdi. ıÝvenaldyq polıtsııa tárbıesi qıyn balalardyń ata-analaryn da udaıy tekserip otyrady. Jyl basynan balalaryn tıisti tárbıelemegeni úshin 162 ata-ana aıyppul tóledi. Qazirgi ýaqytta oblysta 224 qolaısyz otbasy esepte tur.
Jergilikti prolıtsııa qyzmeti basqarmasynyń málimetinshe, kóktemgi merekeler qarsańynda ıývenaldy polıtsııa qyzmetkerleriniń jumysy jandandyryldy.
