SQO-da 400-ge jýyq adamǵa spırttik ishimdik ishýge tyıym salyndy

PETROPAVL. KAZINFORM – Soltústik Qazaqstan oblysynda úsh aı ishinde otbasylyq-turmystyq qatynastar salasynda 21 qylmys tirkeldi.

СҚО-да 400-ге жуық адамға спирттік ішімдік ішуге тыйым салынды
Фото: СҚО ПД баспасөз қызметі

SQO Polıtsııa departamenti baspasóz qyzmetiniń málimetinshe, bul - ótken jyldyń uqsas kezeńimen salystyrǵanda 9 jaǵdaıǵa kóp. Onyń 16-sy – densaýlyqqa jeńil zııan keltirý jáne uryp-soǵý faktileri. Byltyrǵy maýsym aıynan ol úshin qylmystyq jaýapkershilik qarastyrylǵan. Osyǵan baılanysty qylmystar sany ósip otyr.

Degenmen, jergilikti polıtsııa qyzmetiniń málimetinshe, jalpy turmystyq quqyqbuzýshylyqtar sany azaıǵan. Bıylǵy birinshi toqsanda 660 quqyqbuzýshylyq tirkeldi, bul ótken jylǵydan shamamen 100 derekke az.

- Bıyl 910 qorǵaý nusqamasy shyǵaryldy. Іshki ister organdarynyń ótinishhaty boıynsha, quqyq buzýshylardyń minez-qulqyna 376 erekshe talaptar belgilendi. Turmystyq zorlyq-zombylyqtan zardap shekken 12 áıel arnaıy ortalyqqa ornalastyryldy, - deıdi jergilikti polıtsııa qyzmeti basqarmasynyń turmystyq zorlyq-zombylyqpen kúres bóliminiń bastyǵy Qorǵanbek Júsipov.

Polıtsııa qyzmetkerleriniń usynysy boıynsha oblys sottary 400-ge jýyq quqyqbuzýshyǵa erekshe talap qoıyp, spırttik ishimdik ishýge tyıym saldy.

Quqyq qorǵaý organdary esepke alynǵan otbasylardy turaqty túrde tekserip, turmystyq quqyqbuzýshylyqtardyń aldyn alý úshin jumys júrgizedi.

Buǵan deıin Petropavlda polıtseılerden jasyrynbaq bolǵan jigittiń qaıtys bolǵanyn jazǵan edik.

Сейчас читают