SQO-da 40 aýyldy uıaly baılanyssyz qaldyra jazdaǵan urylar ustaldy
ASTANA. QazAqparat - SQO tərtip saqshylary Mámlút aýdanynda uıaly baılanys ortalyqtarynan akkýmýlıatorlardy jymqyrǵan eki uryny qolǵa túsirdi, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Vedomstvonyń habarlaýynsha, Mámlút aýdanynyń ІІB-ne uıaly baılanys boıynsha kompanııalardyń biriniń ınjeneri shaǵymdanyp, Voskresenovka aýylyndaǵy uıaly baılanys ortalyǵynan 8 akkýmýlıatordyń joǵalǵanyn habarlaǵan. Keltirilgen shyǵyn jarty mıllıon teńgege jýyqtaǵan. Biraq, eń qıyny kúzdiń qara sýyǵynda Jambyl, Mámlút jáne Esil aýdandarynyń 40-qa jýyq aýylǵa uıaly baılanyssyz qalý qaýpi týyndaǵan.
«Urlyq jasalǵan orynǵa quqyq qorǵaýshylar birden jetip, barlyq beınebaqylaý kameralary tekserildi. Kýágerlerden jaýap alyndy. Beınebaqylaý kameralaryndaǵy jazbany teksere kele kúdikti kólikke tártip saqshylary nazar aýdardy. Kóp uzamaı 1992 jáne 1989 jylǵy eki azamat ustaldy», - dep habarlaıdy vedomstvodan.
Qazirgi ýaqytta kúdiktiler ózine taǵylǵan aıyppen kelisip, akkýmýlıatorlardy Petropavl qalasynda satyp jibergenin moıyndaǵan. Tergeý barysynda bul urlyqqa Qyzyljar aýdanynyń taǵy bir turǵynynyń qatysy bary anyqtalyp otyr. Ustalǵandardyń biri Qyzyljar aýdanyndaǵy Elıtnoe aýylynda taǵy da urlyq jasaǵanyn, buryn uıaly baılanys salasynda jumys istegendikten, operatorǵa habarlasyp, dabyldy qalaı óshirýdiń jolyn bilgenin aıtqan. Qazirgi ýaqytta kúdiktilerdiń ózge de qylmystarǵa bar-joǵy anyqtalý ústinde.
