SQO-da 4 jyl jumys istep kelgen asfalt zaýyty sot úkimimen jabylatyn boldy
SQO kásipkerler palatasy baspasóz qyzmetiniń málimetine súıensek, oblystyq jer ınspektsııasy tabıǵatty qorǵaý prokýratýrasymen júrgizgen tekseris barysynda kásiporynnyń Smırnov qoryǵynyń aýmaǵynda ornalasqany anyqtalǵan.
Mamandandyrylǵan aýdanaralyq ekonomıkalyq soty asfalt-beton zaýytynyń ári qaraı erekshe qorǵalatyn tabıǵı aýmaqta jumys isteýine tyıym saldy.
Kásiporyn Qyzyljar aýdanynyń Podgornoe eldi mekeninde ornalasqan.
Kásipkerge zaýytty salýǵa jerdi 4 jyl buryn tıisti memlekettik organ bergen.
Qazir Smırnov qoryǵynyń aýmaǵynda 20-dan astam eldi meken bar jáne túrli óndiris oshaqtary jumys istep tur.
Sonyń ishinde Aqqaıyń aýdanynyń ortalyǵy Smırnov eldi mekeni de bar.
«Bir kezderi kásipkerler bul jerlerde belgili bir jobany júzege asyrý úshin jer aldy. Olarǵa Úkimet emes, aýdandyq jer qatynastary bólimderi jer berdi. Jer ınspektsııasy endi bul erekshe qorǵalatyn tabıǵı aýmaq bolsa, onda onyń aýmaǵynda ornalasqan jerdi berý tek Úkimettiń quzyretine jatady deıdi. ıAǵnı sottyń úkiminen Qyzyljar aýdany jer qatynastary bólimi Smırnov qoryǵyna kiretin kez kelgen jer ýchaskeleri boıynsha qandaı da bir mámile jasaýǵa quqyly emes degen tujyrym jasaımyz. Sonda jańaǵy 20-dan astam eldi meken de, olardyń mańyndaǵy basqa kásiporyn fermalar da zańsyz ornalasqan ǵoı?! Búginde osy sot sheshimine sáıkes olardyń jer paıdalaný quqyǵyna «qaýip tónip tur», - deıdi SQO kásipkerler palatasynyń bólim basshysy Aıdos Keńbeıilov.
Sot úkimi zańdy kúshine engen joq. Kásipkerler palatasynyń zańgerleri asfalt-beton zaýytynyń ıesine kómektesip, isti apelıatsııalyq sotqa jibermek.
«Erekshe qorǵalatyn tabıǵı aýmaqtardyń birneshe túri bar. Eger jer ýchaskeleri alynyp, tolyǵymen erekshe qorǵalatyn tabıǵı aýmaqtar sanatyna aýystyrylsa, onda keıin bul jerlerde memlekettik ulttyq tabıǵı park qurylady. Mundaı aýmaq oblysta Aıyrtaý aýdanynda bar. Ad tabıǵı qoryqtarǵa qatysty jaǵdaı múldem basqasha. Mundaǵy jer menshik ıelerinen alynbaıdy, qoryqtardyń aýmaǵy eldi meken ornalasqan jerlerdi de alyp jatýy múmkin. Bul qoryq aýmaǵynda ornalasqan barlyq jer ıeleri úshin jergilikti atqarýshy organ erekshe rejım engizedi, ıaǵnı belgili bir shekteýler bolýy múmkin. Bul zoologııalyq qoryq bolǵandyqtan, onda ańdardy óltirýge, qustardyń uıalaryn buzýǵa jáne t.b. bolmaıdy», - deıdi SQO kásipkerler palatasy janyndaǵy kásipkerlerdiń quqyǵyn qorǵaý keńesiniń tóraǵasy Inessa Qýanǵanova.
