SQO-da 4 myńǵa jýyq shylymqor aıyppul tóleıdi
PETROPAVL. QazAqparat - 2016 jyldyń 12 aıy boıynsha Soltústik Qazaqstan oblysynda 138 myń quqyq buzýshylyq anyqtaldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Alkogoldik ishimdik paıdalanǵany nemese qoǵamdyq oryndarda mas kúıinde júrgeni úshin óńirdiń 13 myń turǵyny ákimshilik jaýapqa tartyldy. Petropavldyń 30 jastaǵy turǵyny ýchaskelik polıtsııa ınspektorynyń qatań baqylaýynda. Jas áıel qoǵamdyq oryndarda alkogoldik ishimdik ishkeni úshin jarty jyldyń ishinde birneshe ret jaýapqa tartyldy. Osyndaı quqyq buzýshylyq jasaǵany úshin ol úsh táýlikke qamaldy.
4 myńnan astam soltústikqazaqstandyq ıt pen mysyq asyraý erejelerin buzǵandary úshin jazalandy. Bul úshin 6 myń teńgege deıin aıyppul tóleıdi. Oblystyń eki myńnan astam turǵyny kishigirim buzaqylyq jasaǵan, sonyń ishinde qoqys tastaǵan.
Qumarpaz shylymqorlar temeki shegýge tyıym salynǵan jekelengen qoǵamdyq oryndarda shylym tartqandary úshin QR Ákimshilik kodeksiniń 441-babynda kórsetilgendeı, 13 myń teńgege deıin aıyppul tóledi. Ótken jyly 3825 osyndaı quqyq buzýshylyq anyqtaldy.
Tynyshtyqty buzǵany úshin 1287 hattama toltyryldy. Shamamen 6 myń quqyq buzýshylyq qalalar men eldi mekenderdiń aýmaǵyn abattandyrýǵa baılanysty boldy. 50 myńnan astam adam jol erejelerin saqtamaǵandary úshin jaýapqa tartyldy.
