SQO-da 4 myńǵa jýyq adam vaktsınatsııadan ótti
PETROPAVL. QazAqparat – Soltústik Qazaqstan oblysynda 3860 adamǵa koronavırýsqa qarsy ekpe egildi, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamentiniń málimetinshe, óńirde 3860 adam koronavırýsqa qarsy ekpeniń birinshi komponentin aldy. Olardyń 1731-i tolyq vaktsınatsııadan ótti.
Qazirgi ýaqytta «Spýtnık V» vaktsınasyn sanıtarııalyq-epıdemıologııalyq baqylaý departamentiniń jáne aýmaqtyq basqarmalarynyń qyzmetkerleri alyp jatyr. Búginge deıin 56 mamanǵa ekpe egilgen, olardyń jaǵdaılary jaqsy.
Mamandardyń aıtýynsha, tek vaktsınatsııa arqyly ǵana koronavırýspen kúresýge bolady. Ázirge «Spýtnık V» vaktsınasyn medıtsınalyq qyzmetkerler, sanıtarııa mamandary, tártip saqshylary men muǵalimder alyp jatyr.
Jalpy óńirde qaýipti ınfektsııany juqtyrǵandar sany 13 myńnan asty. Tek ótken táýlikte KVI-men aýyrǵan 21 jańa jaǵdaı tirkeldi. Onyń jartysynda syrqattar dárigerlerge aýyryp kóringen.
