SQO-da 4 adamdy kólik qaǵyp ketti
PETROPAVL. QazAqparat – Petropavl joldarynda adamdy kólik qaǵýdyń bir kúnde eki oqıǵasy tirkeldi, dep habarlaıdy QazAqparat tilshisi.
Soltústik Qazaqstan oblystyq Polıtsııa departamenti baspasóz qyzmetiniń málimetinshe, 20 mamyr kúni Chaıkovskıı kóshesinde «Toyota» kóliginiń 30 jastaǵy júrgizýshisi Jambyl kóshesine burylyp jatyp, úsh jaıaý júrginshige jol bermegen. Saldarynan baǵdarshamnyń jasyl túsine ótip bara jatqan úsh adam – eki áıel men 3 jasar qyzdy soqqan.
Zardap shekkender emdeý mekemelerine jetkizildi. Qazirgi ýaqytta sot-medıtsınalyq saraptama belgilendi. Onyń nátıjesi boıynsha jınalǵan materıal sotqa jiberilmek. «Toyota» júrgizýshisi – Petropavl qalasynyń turǵyny jol apatyn jasaǵany úshin sáýir aıynda ǵana alty aıǵa kólik basqarý quqyǵynan aıyrylǵan eken.
Sol kúni osy kóshede taǵy bir oqıǵa boldy. Saǵat 11.00 shamasynda «Daimler» avtokóliginiń júrgizýshisi Astana kóshesine burylý barysynda Petropavl qalasynyń 23 jastaǵy turǵynyn qaǵyp ketti. Zardap shekken qyz aýrýhanaǵa jetkizilip, medıtsınalyq kómek alǵannan keıin úıine jiberildi. Kólik ıesine hattama toltyryldy.
«Medıtsınalyq kýálandyrý qorytyndysy eki júrgizýshiniń de mas bolmaǵanyn kórsetti. Asyǵý, alańǵasarlyq, tájirıbeniń azdyǵy – kólik apatyna ákelip jatady. Árıne adamı faktordy da umytpaý kerek. Júrgizýshiler men júrginshilerdi jolda júrý erejelerin qatań saqtaýǵa shaqyramyz. Jaz kelisimen kólik aǵyny kóbeıdi, jolǵa mototsıkl júrgizýshileri, velosıpedshiler men samokat tepkender shyqty. Jaqynda balalardyń demalysy bastalady, kóshede balalar kóbeıedi. Sol sebepti kólik júrgizýshilerge asqan qyraǵylyq tanytý qajet», - deıdi SQO PD Jergilikti polıtsııa qyzmeti basqarmasynyń bastyǵy Aıdyn Baımatov.
