SQO-da 4,6 myń adam jumyssyz retinde resmı esepte tur

PETROPAVL. QazAqparat – Soltústik Qazaqstan oblysynda 539 myńnan astam adam bolsa, sonyń 305 myńy jumysqa jaramdy, dep habarlaıdy QazAqparat tilshisi.

Ulttyq statıstıka bıýrosynyń SQO boıynsha departamenti turǵyndardyń jumyspen qamtylýyna qatysty ishinara zertteý júrgizdi. Bıylǵy ІІІ toqsandaǵy málimet boıynsha óńir turǵyndarynyń 305,6 myńynyń jasy 15-ten joǵary. ıAǵnı jumys kúshiniń úlesi – 71,2 %.

Oblys ekonomıkasynyń túrli salasynda 291 myń adam jumys isteıdi. Bul jumysqa jaramdy turǵyndardyń 67,8 %. Olardyń shamamen 52 %-y – er adamdar. Jaldanyp isteıtin qyzmetkerlerdiń úlesi – 74,8 %, bul shamamen 218 myń turǵyn.

Jumysqa jaramdy turǵyndardyń arasyndaǵy jumyssyzdyq úlesi – 4,8 %. Onyń ishinde 48,8 %-yn áıelder qurasa, 15-28 jastaǵylardyń arasynda jumyssyz júrgenderdiń úlesi 2,8 %-ǵa jetken.

SQO jumyspen qamtýdy úılestirý jáne áleýmettik baǵdarlamalar basqarmasynda qazirgi ýaqytta 4,6 myń adam jumyssyz retinde resmı tirkeýde tur. Olardyń ishinde jumys kúshine jatatyn turǵyndardyń úlesi - 1,5 %. Byltyr bul kórsetkish 5,9 myń adamdy quraǵan.