SQO-da «3d-Volonter» jobasy aıasynda oqytý semınary ótti
SQO Qazaqstan halqy Assambleıasy uıymdastyrǵan is-sharaǵa qatarǵa jańadan qosylǵan 46 jas qatysty. Semınarǵa qatysýshylarǵa QHA volonterlik qozǵalys ortalyǵynyń ımıdjdik belgileri: kúrtesheleri, logotıp belgileri berildi.
«SQO Qazaqstan halqy Assambleıasynyń volonterler qozǵalysynyń ortalyǵy bıylǵy Volonter jylyna oraı biregeı jobalardy josparlaǵan. Іs-sharalar jastardy damytýǵa, olardyń boıynda izgi qasıetterdi damytýǵa baǵyttalǵan. Sherrı Andersonnyń sózimen: «Volonterler eńbekaqyny paıdasy joqtyqtan emes, baǵa jetpeıtin qundy bolǵandyqtan almaıdy» dep aıtar edim», - deıdi SQO QHA hatshylyǵynyń meńgerýshisi Muratbek Zeınýllın.
SQO QHA baspasóz qyzmetiniń málimetinshe, «Men volontermin» oqytý semınary «3d-Volonter» jobasy aıasynda uıymdastyryldy. Keńestiń múshesi Marııa Tatarenkonyń aıtýynsha, jańa jobanyń maqsaty óńir jurtshylyǵy arasynda volonterlik qozǵalysty nasıhattaý, qatarǵa belsendi jastardy kóptep tartý. Joba úsh D-nyń úılesýi negizinde (development – damý) qurylǵan. ıAǵnı, ózin-ózi damytý, aınaladaǵylarǵa kómek kórsetý jáne aýqymdy jobalar men is-sharalardy uıymdastyrý.
Oqytý semınary úsh saǵatqa sozyldy. Jastar ujym bolyp jumys isteýdi úırenip, volonterlik jumystyń alǵysharttarymen tanysty.
Mundaı trenıngter bolashaqta da uıymdastyrylady. Óıtkeni volonterler jurtpen til tabysyp, qoıan-qoltyq jumys istep, túrli is-sharalardy uıymdastyra bilýi qajet.
Uıymdastyrýshylardyń aıtýynsha, «3d-volonter» biregeı jobasynyń basty maqsaty da osy.
