SQO-da 380-nen astam muz qalashyǵy salyndy
PETROPAVL. QazAqparat - SQO ákimdiginde aparattyq májiliste jańa jyl merekesine eldi mekenderdi resimdeý jáne muz qalashyqtaryn salý jaıy sóz boldy. Bul týraly SQO ákiminiń baspasóz qyzmetine silteme jasap «QazAqparat» HAA tilshisi habarlady.
Іshki saıasat basqarmasynyń basshysy Ásem Rahmetova ortalyq alańdarǵa, irgeles aýmaqtarǵa muz qalashyqtary salynǵanyn aıtty. Jańa jyldyq shyrsha, jaryq gırlıandalar, qar fıgýralary ornatylyp, syrǵanaq jasaldy. Jergilikti polıtsııa qyzmetiniń bastyǵy Qanat Aıtbaev qazir qoǵamdyq oryndardaǵy zań buzýshylyqtardyń jolyn kesýge, jol qaýipsizdigin kúsheıtýge baǵyttalǵan sharalar kesheni júrgizilip jatqanyn atap ótti. Polıtseıler qarý, oq-dári, sertıfıkaty joq pırotehnıkalyq ónimderdi ustaý erejesin buzǵandardy anyqtaýmen aınalysýda.
Erik Sultanov óńirde jańa jyl merekesin ótkizý qaýipsizdigin tıisti deńgeıde qamtamasyz etýdi tapsyrdy. Májilis barysynda ákimderdiń esepti kezdesýlerine daıyndyq, ony ótkizý máselesi talqylandy.
Oblys ákimi apparatynyń basshysy Madııar Qojahmet bıyl ótken jylǵydaı 656 esepti kezdesý josparlanǵanyn atap ótti. 2016 jyly oǵan 56 480 adam qatysqan. Soltústikqazaqstandyqtar 1951 usynys engizdi.
