SQO-da 35 shaqyrymdyq respýblıkalyq avtojol jóndelip jatyr
ASTANA. KAZINFORM — Soltústik Qazaqstan oblysynda «Kókshetaý — Kishkenekól — Bıdaıyq — RF shekarasy» respýblıkalyq mańyzy bar avtojolynda ortasha jóndeý jumystary júrgizilip jatyr.
Jóndeý jumystary avtojoldyń 50-85 shaqyrym aralyǵyn qamtıdy. Jańartylyp jatqan jol ýchaskesiniń jalpy uzyndyǵy 35 shaqyrymdy quraıdy.
Joba aıasynda jol jabynyn qalpyna keltirý jáne sapasyn arttyrý boıynsha birqatar jumystar atqaryldy.
— 209 myń sharshy metr aýmaqta qoldanystaǵy asfaltbeton jamylǵysy jonyldy. 35,5 myń sharshy metr jerde jol negizindegi aqaýlar joıyldy. Sonymen qatar 191,5 myń sharshy metr asfaltbeton jabyny jańa materıal qosý arqyly sýyq joný ádisimen óńdeldi, — dep habarlady QazAvtoJoldan.
Budan bólek, 178 myń sharshy metr aýmaqta iri túıirshikti asfaltbeton qospasynan tómengi qabat, 83 myń sharshy metr aýmaqta maıda túıirshikti asfaltbeton qospasynan ústińgi qabat tóseldi.
Mamandardyń aıtýynsha, ortasha jóndeý jumystary joldyń tehnıkalyq-paıdalaný kórsetkishterin jaqsartyp, júrgizýshiler úshin qaýipsiz ári qolaıly qozǵalys jaǵdaıyn qalyptastyrýǵa múmkindik beredi.
Aıta keteıik, Shyǵys Qazaqstanda Rahman qaınaryna aparatyn jol jóndelip jatyr.
