SQO-da 35 gradýs aıaz bolady - aqpan aıyna aýa raıy boljamy

PETROPAVL. KAZINFORM – Soltústik Qazaqstan oblysynda sınoptıkter aqpan aıyna aýa raıynyń boljamyn jasady.

«Qazgıdromet» RMK SQO fılıalynyń málimetinshe, aıdaǵy ortasha aýa temperatýrasy -13,9-15,9°S bolady, bul normaǵa jaqyn. Jaýyn-shashyn mólsheri óńirdiń basym bóliginde ádettegiden joǵary, tek oblystyń soltústik-batysy - Tımırıazev, Jambyl, Mamlıýt, M. Jumabaev aýdanynyń soltústigi men Petropavlda normaǵa saı - 11-21 mm bolady. 

Birinshi onkúndiktiń ortasynda qar aralas jańbyr jaýady, al aıdyń basy men onkúndiktiń sońy, aıdyń ortasy men sońy qarly bolady. 

Aıdyń alǵashqy bes kúninde túnde aýa temperatýrasy -18-23°S-tan -2-7°S-qa deıin, oblystyń soltústiginde -15-20°S-tan -2+3°S-qa deıin joǵarylaıdy. Al kúndiz -12-17°S men -2+3°S aralyǵynda bolady dep boljanǵan. 

Onkúndiktiń sońynda kún sýytady. Ekinshi on kúndikte aýa temperatýrasy túnde -22-27°S deıin, kúndiz-12-17°S deıin tómendeýi múmkin. 

Al ekinshi onkúndiktiń sońyna qaraı aýa temperatýrasy túnde -30-35°S-qa deıin, kúndiz -17-22°S-qa deıin sýytpaq. Al úshinshi onkúndiktiń basynda synap baǵanasy túnde -30-35°S-tan -6-11°S-qa deıin joǵarylaıdy, kúndiz -17-22°S-tan 0 -5 ° S-qa deıin kóteriledi.

Buǵan deıin Petropavlda jyl basynan beri 10 adamdy úsik shalǵanyn jazǵan edik.