SQO-da 33 jastaǵy qylmysker qańǵybastar arasynan tabyldy
PETROPAVL. QazAqparat - Soltústik Qazaqstan oblysynda 3 kúnniń ishinde 5 qylmysker men iz-tússiz joǵalǵan 2 adam tabyldy, dep habarlaıdy QazAqparat tilshisi.
Іshki ister departamenti baspasóz qyzmetiniń aqparatynsha, Petropavl qalalyq ІІB krımınaldyq polıtsııa bóliminiń qyzmetkerleri buryn sottalǵan, úı-kúıi joq 40 jastaǵy er adamdy tapty. Oǵan Qostanaı polıtseıleri urlyq jasap, probatsııalyq baqylaýdan jaltarǵany úshin izdeý salǵan.
«Krımınaldyq polıtsııa bóliminiń jedel qyzmetkerleri qalalyq ІІB qyzmetkerlerimen birlesip úı-kúısiz júrgen 33 jastaǵy áıeldi ustady. Ol urlyq jasaǵany úshin izdeýde bolǵan. Kúdikti ustalyp, qalalyq ІІB ýaqytsha ustaý oqshaýlaǵyshyna qamaldy», - dedi baspasóz qyzmetinen.
Oblys boıynsha qalalyq jáne aýdandyq polıtsııa bólimderi úsh kúnniń ishinde turaqty mekenjaıy joq 330 adamdy jetkizgen. Barlyǵy sýretke túsirilip, vıdeotirkeýge alyndy. Olardyń arasynda izdeý jarııalanǵan 5 qylmysker men iz-túzsiz joǵalǵan 2 adam bolǵan.
